ازاى تعملى وصفة طبخ فى دقايق قليلة مع لافارى ؟؟

ازاى تعملى اكلة سريعة وشهية فى دقايق قليلة مع لافارى ؟؟

وصفات موفرة ل كل ست بيت شاطرة …..لا وايه كمان سهلة وبسيطة

 اكتبو معايا بقى …:

الحادق: 

– طاجن بطاطس باللحمة المفرومة :

مقادير طاجن البطاطس باللحمة المفروعة :
– 400 جرام بطاطس متقطعة مربعات
– 400 جرام لحمة مفرومة
#احلى_الاكلات_مع_لافارى
طاجن بطاطس باللحمة المفرومة

– 4 بيض

– 3 قطع جبنة كيرى
– 100 جرام جبنة مبشورة 
– 1 فلفل حلو مفروم 
– 1/2 فلفل حار مفروم 
– 50 جرام زيتون اخضر متقطع 
– 1 بصلة مفرومة 
– 1 فص ثومة مفرومة 
– 2 ملعقة بقدونس كبيرة مفرومة 
– رشة فلفل اسود + بهارات + ملح  
 طريقة التحضير :
1-حطى مربعات  البطاطس فى المقلاه بتاعتك وحطيهم على النار 
2- هاتى مقلاه تانية وحطى فيها معلقتين زيت وبعدين وضيفى عليها البصل والتوم مع البهارات  والفلفل الاسود والملح 
3- بعد كده نضيف اللحمة المفرومة والبقدونس ونقلبهم كلهم على بعض لغاية ماتستوى اللحمة نص سوى يعنى 
4- بعد كده نضيف عليها الفلفل الحلو والحار ونقلبهم مع بعض بعد كده نضيف الزيتون
5- نجيب طبق تانى نضرب فيه البيض مع جبنة كيرى ومعاهم نص كمية الجبنة المبشورة والبطاطس واللحمة ونقلبهم مع بعض
6- نحط الخليط الجميل ده فى صينية مستطيلة ونرش عليها باقى الجبنة المبشورة وندخلها الفرن لغاية مالونها يبقى ذهبى 

يستحسن بقى تقدميها مع شوربة ومش هتاخد منك اكتر من ساعة طبيخ لو محضراها
وبالهنا والشفا   
 

الحلو :

– قمر الدين بالمكسرات واللوز :

 مقادير عمل قمر الدين :
#احلى_اكلات_مع_لافارى
قمر الدين بالمكسرات واللوز      
– 400 جرام قمر الدين 
– 1/2 كوباية سكر 
– 4 كوبايات مية
– 1/4 كيلو مكسرات ولوز
طريقة التحضير : 
1- قطعى قمر الدين لقطع صغيرة وحطيها فى الخلاط مع السكر والمية
2- سيبى الخليط اللى طلع ده لمدة ساعتين وبعد كده اخلطيه فى الخلاط
3- بعد كده يتقدم شراب قمر الدين فى كوبايات ويتقدم بااارد 
4- تقدرى تضيفيى المكسرات واللوز لقمر الدين فى الاخر بيعملو شكل وطعم لذيذ جدا
ولو لقيتى الخليط تقيل ممكن تضفيليو شوية ميه 
وبالهنا والشفا ياستات البيوت 

استنونا بكرة فى وصفة جديده حادق وحلو مع لافارى

#لافارى_بتساعد_ست_البيت

نبذه عن المؤلف